DILI, TIMOR_LESTE – Estadus Unidus – liu husi Ajénsia Estadus Unidus ba Dezenvolvimentu Internasionál (USAID) no parseria sosiedade sivíl – fornese apoiu observadór doméstiku no internasionál hamutuk 1,000 hale’u Timor-Leste laran tomak hodi monitoriza atividade Loron Eleisaun Parlamentár iha dia 22 Jullu.   

USAID nia Projetu Konsórsiu Eleisaun No Projetu De Fortalesimentu Do Prosesu Polítiku sei fornese observadór internasionál 21 husi supervizaun projetu nian, Institutu Republikanu Internasionál (IRI).  Observatóriu da Igreja Para os Assuntos Sociais (OIPAS), organizasaun naun-govermentais Timorénsia fundu ba parseiru CEPPS Institutu Demokrátiku Nasionál (NDI), sei fornese observadór eleisaun doméstiku besik 930 (maizumenus ema ida kada sentru de votasaun). Parseiru datoluk CEPPS nian, Sistema Eleitorál ba Fundasaun Internasionál (IFES), servisu ona ho entidade jestaun de eleisaun hodi hadi’a prosesu votasaun.   

“Estadus Unidus orgullu hodi apoiu ami nia parseria iha governasaun lokál, sosiedade sivíl, no organizasaun internasionál ba promove demokrasia iha Timor-Leste, “hatete Embaixadora Estadus Unidus ba Repúblika Demokrátiku Timor-Leste Karen Stanton. “Ami enkoraja sidadaun hotu hodi ajuda garante prosesu eleitorál ne’ebé kredivel no livre ne’ebé benefísia ba ema hotu.”

Ekipa observadór internasionál IRI nian sei to semana ne’e, maibé observadór rua ne'ebé ba tempu naruk iha ona Timor-Leste dezde Juñu 2017 hodi monitoriza kampaña iha Timor-Leste laran tomak. Observadór IRI no NDI simu treinamentu iha observasaun eleisaun nomos instrusaun antes eleisaun husi partidu bo’ot sira no entidade jestasaun de eleisaun. Ekipa observasaun IRI nian inklui membru konsellu administrasaun IRI, Eis Embaixadór Estadus Unidus ba Banku Dezenvolvimentu Ázia, profesionais do komunikasaun, membru Partidu Liberál Australia, no ekipa superior IRI nian.  

                                                                                                                                                                           ###