Synimet

Përkrahja e Parlamentit që do t’i përfaqësojë qytetarët, do të krijojë rregulla të informuara për udhëheqjen e shoqërisë, si dhe do ta mbikëqyrë punën e pushtetit ekzekutiv.

Seancat dëgjimore mbikëqyrëse: Përkrahja e Parlamentit për përmirësimin e mbikëqyrjes së pushtetit ekzekutiv, përmes procedurave të përforcuara të dëgjimit publik. Mbështetja e komisioneve parlamentare drejt avancimit të mëtejshëm të seancave dëgjimore mbikëqyrëse publike mbi ligjet, politikat dhe sjelljen e pushtetit ekzekutiv. Lehtësimi i bashkëpunimit mes Parlamentit dhe pushtetit ekzekutiv, duke i sjellur aktorët kryesorë nga dy palët për planifikimin e dëgjimeve, identifikimin e dëshmitarëve kryesorë dhe përgatitjen e deklaratave me të cilat përkrahet realizimi i seancave dëgjimore.

Listat e hapura, krahas listave të mbyllura të kandidatëve: Programi do ta nxisë përfaqësimin më të mirë të votuesve, duke e mbështetur debatin publik mbi sistemin zgjedhor të listave të hapura, krahas listave të mbyllura të kandidatëve. Si mbindërtim të konferencës së kaluar mbi reformën elektorale, me titull “Përfaqësimi dhe përgjegjësia – listat e hapura ose të mbyllura të kandidatëve?”, programi do t’i angazhojë udhëheqësitë partiake për vlerësimin e cilësive të listave të hapura dhe të mbyllura. Programi do ta shqyrtojë ndikimin e listave të mbyllura në zgjedhjet parlamentare 2011, së bashku me shqyrtimin e shembujve krahasues nga shtetet tjera evropiane, duke i identifikuar kështu praktikat më të mira dhe duke i diskutuar modelet alternative me komisionet parlamentare dhe personat e ndryshëm, grupet e shoqërisë civile, si dhe opinionin publik.